"პირველი სექტემბრიდან ბიძინა ივანიშვილი GDS-ზე ახალ გადაცემას იწყებს, რამდენიმე დღეში კი წინასაარჩევნო ტურნეს დაიწყებს საქართველოს რეგიონებში და აქტიურად იქნება ჩართული ქართული ოცნების წინასაარჩევნო კამპანიაში" - ამ სიტყვებით დაიწყო თავისი გადაცემა TV პირველის წამყვანმა ინგა გრიგოლიამ.

მისი თქმით, ყოფილი პრემიერი გადაცემას ნათია თოიძესთან და მიშა ფეიქრიშვილთან ერთად წაიყვანს.

ბიძინა ივანიშვილმა ჯერ კიდევ 7 ივნისს, ჟურნალისტებთან შეხვედრისას დააანონსა, რომ სექტემბრიდან ახალ გადაცემას წაიყვანს:

"როდესაც ძიების პროცესში ვიყავი, პოლიტიკიდან წასულს როგორ გამომეყენებინა ჩემი შესაძლებლობა და დავხმარებოდი საზოგადოებას, ძიების პროცესში ვიყავი და ვთქვი, რომ აი მე შეიძლება ჟურნალისტიკაში წავიდე.

თუმცა, მერე მალევე ვთქვი უარი და მათქმევინეს უარი, ისეთი რეაქცია იყო, ეტყობა რომ შემეშალა რაღაც და ჟურნალისტობა ჩემი არავის არ მოუნდა, მაგრამ მე ვფიქრობ რომ ჟურნალისტობა ძალიან კარგი პროფესიაა და ძალიან მშურს თქვენი და ძალიან მომწონს.

ვერ მოვახერხე, ის გადაცემები რაც მქონდა და ჟურნალისტის როლში აღარ მქონდა უკვე, გადაცემების სერია გავაკეთეთ 2030-ში მაშინ.

ამის მსგავსი რაც მქონდა გადაცემების სერია, სექტემბერშიც ვაპირებ მსგავსის გაკეთებას, როგორც მოვახერხე მაშინ ვთქვათ და ანალიზი გავაკეთე საზოგადოების ყველა შემადგენელი ნაწილის, ვთქვათ პოლიტიკოსების, მედიის, ეკლესიაზეც გვქონდა ვთქვა და ხელისუფლების სხვადასხვა შტოებზე, იგივეს ვაპირებ მომავალშიც და ასეთი ანალიზი მინდა შევთავაზო საზოგადოებას.

ასეთი ანალიზი მინდა შევთავაზო საზოგადოებას, როგორ გამომივიდა ეს მაშინ თქვენი შესაფასებელია და როგორ გამომივა სექტემბერში ნახავთ" - თქვა ყოფილმა პრემიერმა 7 ივნისს.