BBC-ის ინფორმაციით, თურქეთის პრეზიდენტმა, რეჯეპ ტაიპ ერდოღანმა განაცხადა, რომ ქალაქ გაზიანთეფში ტერაქტი 12-დან 14 წლამდე პირმა მოაწყო. ქვეყნის პრეზიდენტმა განმარტა, რომ თვითმკვლელი ტერორისტის უკან ე.წ. ისლამური სახელმწიფო დგას.

თურქეთის ქალაქ გაზიანთეფში (სირიის საზღვართან), ქორწილში, ტერაქტი 20 აგვისტოს მოხდა. ბოლო მონაცემებზე დაყრდნობით, დაღუპულია 50-მდე ადამიანი, 100-მდე პირი კი - დაშავებული. მომხდარზე პასუხისმგებლობა არცერთ ტერორისტულ დაჯგუფებას აუღია.