ბათუმში, ერთ-ერთ კერძო საბავშვო ბაღში, ოთხი წლის ბავშვის სავარაუდო ცემის საქმეზე შინაგან საქმეთა სამინისტრომ გამოძიება დაიწყო. ამის შესახებ On.ge-ს უწყების პრესსამსახურში განუცხადეს. მათი ინფორმაციით, გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.

პედაგოგი შვილის ცემაში, ხოლო დირექტორი შეურაცხყოფასა და მუქარაში ბავშვის მშობელმა დაადანაშაულა. მომხდარი ფაქტის შესახებ ინფორმაცია თავდაპირველად Imedinews-მა გაავრცელა.

დედის განცხადებით, 4 წლის ბიჭს სხეულზე მრავლობითი დაზიანებები ჰქონდა. ფაქტის შესახებ ბავშვმა თავად უამბო და ერთ-ერთი პედაგოგი დაადანაშაულა. დირექტორი ბრალდებებს უარყოფს და მშობელს პროვოკაციაში ადანაშაულებს. ის არ გამორიცხავს, რომ ბავშვზე შესაძლოა დედამ იძალადა.