ლეიკემიით დაავადებული ქართველი ბიჭის, რვა წლის ბექა ფიფიას მხარდასაჭერ კამპანიას ცნობილი არგენტინელი ფეხბურთელი ლიონელ მესიც შეუერთდა და მას საჩუქრები გაუგზავნა.

ისრაელის კლინიკაში, სადაც ბექა მკურნალობს, კლუბ "ბარსელონას" საქველმოქმედო ფონდის FUNDACIÓ FC BARCELONA-ს წარმომადგენლები მივიდნენ. მათ ბექას სხვადასხვა სახის სუვენირების გარდა, "ბარსელონას" ფორმა აჩუქეს, რომელსაც თვითონ ლიონელ მესის ხელმოწერა ამშვენებს.

შვიდი წლის ასაკში ბექა ფიფიას მიელოიდური ლეიკემიის დიაგნოზი დაუსვეს. მკურნალობისთვის საჭირო თანხის შესაგროვებლად ბექას ოჯახმა ფეისბუქზეგვერდი "ბექასთვის/4beka" შექმნა, სადაც სხვადასხვა ღონისძიება იგეგმება. ამ ეტაპზე ბექა ფიფია ისრაელში, შიბას კლინიკაში მკურნალობს.