გორის რაიონის სოფელ ახალუბნიდან ოკუპანტებმა მწყემსი, 68 წლის მიშა პეტრიაშვილი გაიტაცეს. ამის შესახებ ინფორმაციას გორის მუნიციპალიტეტის მერი კოტე თავზარაშვილი ჟურნალისტებთან საუბრისას ადასტურებს.

მისივე ინფორმაციით, მწყემსები საქართველოს ცენტრალური ხელისუფლების კონტროლირებად ტერიტორიაზე იმყოფებოდნენ და ე.წ. საზღვარი არ გადაუკვეთავთ.

მიუხედავად იმისა, რომ გატაცების ფაქტს ადგილობრივი ხელისუფლება ადასტურებს, ოფიციალური ინფორმაცია გატაცების შესახებ არ დაუდასტურებია სახელმწიფო უსაფრთხოების სამსახურს. სუს-ის პრესსამსახურის წარმომადგენლები უკვე ერთი საათია ინფორმაციას არკვევენ და მათგან ოფიციალური პასუხი On.ge-ს ჯერ არ მიუღია.