საქართველოს ყოფილი პრეზიდენტი, მიხეილ სააკაშვილი ფეისბუქის გვერდზე შესაძლო სამთავრობო ცვლილებებს ეხმაურება.

მიხეილ სააკაშვილი წერს, რომ საჭიროა სახალხო ნდობის მქონე მთავრობა, ამერიკელი და ბრიტანელი მოსამართლეები უზენაეს სასამართლოში, სახალხო ნდობით აღჭურვილი პროკურორი, სააკაშვილი აზუსტებს, რომ სასურველია ისიც უცხოელი იურისტი იყოს და ახალი საპარლამენტო არჩევნები:

"პითონი კა ცდილობს კანი შეიცვალოს. ივანიშვილის სისტემა შეტორტმანდა სახალხო ზეწოლის ქვეშ და ის ემზადება მთავრობის შესაცვლელად. საქარველოს "მთავრობა" აუცილებლად უნდა შეიცვალოს, მაგრამ არა ოლიგარქის მორიგი (მოსკოვთან შეთანხმებული) თოჯინებით".

მმართველი პარტიის ქართული ოცნების ოფისში დღეს, 12 ივნისს სხდომა ჩაინიშნა. შეხვედრას დაესწრება პარტიის თავმჯდომარე ბიძინა ივანიშვილი და პრემიერ-მინისტრი გიორგი კვირიკაშვილი. წინასწარი ინფორმაციით, უმრავლესობის სხდომა სამთავრობო ცვლილებებს უკავშირდება.