შაკიკი ერთ-ერთი ყველაზე გავრცელებული დაავადებაა, რომელიც ადამიანებს აწუხებთ. მტანჯველი თავის, კეფისა და თვალის ტკივილი, წნევის დავარდნა და ა.შ. რომელსაც თითქოს დასასრული არ უჩანს, ადამიანის ქმედითუნარიანობას მინიმუმამდე ამცირებს. შაკიკით შეწუხებულ ადამიანებს მუდმივად სიბნელეში წოლა, სიჩუმე და დასვენება სურთ, თუმცა ჩვენი ცხოვრების წესი ამის საშუალებას ნაკლებად გვაძლევს.

შაკიკს ხშირად ისეთი ქმედებები იწვევს, წარმოდგენაც რომ გაგიჭირდებათ. მოდით ვნახოთ რა უნდა გააკეთოთ მაშინ, როცა შაკიკი გაწუხებთ, რათა დაავადებამ უფრო მძიმე ფორმები არ მიიღოს.

1. დალიეთ ყოველ ორ საათში მაინც ერთი ჭიქა წყალი

წყალი მნიშვნელოვანია თქვენი ჯანმრთელობისთვის, მაგრამ მას განსაკუთრებულ მნიშვნელობას ენიჭება მაშინ, როდესაც თავის ტკივილები გაწუხებთ. ერთ-ერთმა კვლევამ აჩვენა, რომ ადამიანები, რომლებიც წყლის დღიურ ნორმას კიდევ უმატებენ 6 ჭიქა (1,5 ლიტრი) წყალს, ნაკლებად განიცდიან შაკიკისგან გამოწვეულ ტკივილს.

2. ნუ იქნებით მშიერი - მიირთვით ყოველ ორ-სამ საათში მცირე ულუფებით

ბევრისთვის ნაცნობია სიტუაცია, როცა მთელი დღე ლუკმა არ ჩაგვიდია პირში და შიმშილისგან კანკალი გვეწყება. ზუსტად ეს მდგომარეობა შეიძლება გახდეს თავის ტკივილის მიზეზი. ზოგი მკვლევარი ფიქრობს, რომ დაბალი გლუკოზის დონემ სისხლში იწვევს ცვლილებებს ჩვენს ტვინში, რაც შაკიკის წინაპირობაა.

3. აკონტროლეთ ძილი - დიდხანს და ცოტა ხანს ძილი, ერთნაირად საზიანოა

ორივემ შეიძლება გამოიწვიოს შაკიკი. ამ დროს, აუცილებელია რეგულარული გრაფიკის შენარჩუნება. თუ ვერ იძინებთ ან გძინავთ დღეში 7-8 საათი და მაინც გრძნობთ დაღლილობას, მაშინ სასურველია თქვენს ექიმის დაელაპარაკოთ. დიდი ალბათობით, თქვენ დარღვეული გაქვთ ძილი, როგორც ძილის აპნოე ან ინსომნია (უძილობა). ორივე მდგომარეობამ შეიძლება გამოიწვიოს თავის ტკივილი, მათ შორის შაკიკი. ძილთან დაკავშირებული პრობლემების მკურნალობა შეგიმსუბუქებთ თავის ტკივილს მომავალში.

4. ნუ გააღიზიანებთ საკუთარ თავს ხმაურითა და სინათლით

იგნორირება ტკივილისა და ისეთი სიმპტომებისა, როგორიცაა აურა, შესაძლოა გააუარესოს ჩვენი მდგომარეობა და გაგვიძლიეროს თავის ტკივილი. აურა, იგივე "ნიავის ქროლა", რომლის დროსაც ადამიანი შეიძლება ხედავდეს სინათლეს, ზიგზაგოვან ხაზებს, ესმოდეს ზარების ხმა ან გრძნობდეს თავბრუსხვევას და არასტაბილურობას. ამ მდგომარების დროს, სასურველია ბნელ და მშვიდ ადგილას ყოფნა მანამ, სანამ ეს უჩვეულო შეგრძნებები არ გაგივლით. თქვენ ასევე შეგიძლიათ შუბლზე დაიდოთ ცივი ან გრილი ტილო. ზოგი ადამიანი თვლის, რომ თავის მასაჟი ხელს უწყობს შაკიკის ტკივილის შემსუბუქებას.

5. მიიღეთ მაგნეზიუმი, რომელიც ტკივილის შემსუბუქებაში დაგეხმარებათ

მნშვნელოვანია ჯანსაღი საკვების მიღება და დაბალანსებულად ჭამა. მაგრამ მაგნიუმი, როგორც ჩანს, განსაკუთრებით მნიშვნელოვანია. კვლევებმა აჩვენა, რომ მაგნიუმის მიღება (დღეში დაახლოებით 400 მგ.) დაგეხმარებათ თავის ტკივილის სიხშირის შემცირებაში. ის განსაკუთრებით სასარგებლოა შაკიკის აურის შესუსტებაში და მენსტრუალური ციკლის დროს თავის ტკივილების ასაცილებლად.

გახსოვდეთ, თუ მაგნიუმის მიღებას დაიწყებთ, ამან შესაძლოა გამოიწვიოს დიარეა. ამიტომ აუცილებელია ექიმის თანხმობა ნებისმიერი მედიკამენტის მიღებამდე.

შაკიკი როგორც დიდებს, ისე ახალშობილებსაც აწუხებთ. უფრო დეტალურად ამ დაავადების შესახებ გადაცემა სხვა შუადღეში ისაუბრეს. მოწვეულმა სტუმარმა განიხილა შაკიკის სხვადასხვა სახეები და მათი მკურნალობის მეთოდები და განიხილა სხვადასხვა მითები და არასწორი წარმოდგენები, რომლებიც შაკიკის შესახებ გავრცელებულია.