საქართველოს პრემიერ-მინისტრის გიორგი კვირიკაშვილის განცხადებით, ხელისუფლება არასტაბილურობის შექმნის საფუძველს არავის მისცემს და იზრუნებს, რომ ქვეყანაში სტაბილურობა იყოს. ამის შესახებ საქართველოს პრემიერ-მინისტრმა ქართული ოცნების პოლიტსაბჭოს სხდომის დასრულების შემდეგ განაცხადა.

კვირიკაშვილის განცხადებით, ხელისუფლება გამოწვევის წინაშე დგას და საზოგადოებაში გაჩენილ კითხვებს პასუხი შესაბამის ფორმატში გაეცემა.

"რაც შეეხება იმას, რომ კონკრეტულად რადიკალიზებულ ჯგუფებს უნდათ, რომ არასტაბილურობის განცდა გააჩინონ და აყენებენ აბსოლუტურად არამართლზომიერ პოლიტიკურ მოთხოვნებს, ჩვენ არასტაბილურობის შექმნის საფუძველს არავის მივცემთ, ვიზრუნებთ, რომ ქვეყანაში სტაბილურობა იყოს", - განაცხადა გიორგი კვირიკაშვილმა.