13 მაისს, ლონდონში, საქართველოს საელჩოსთან სოლიდარობის აქცია გაიმართება. აქციის ორგანიზატორების განცხადებით, თანადგომას უცხადებენ ახალგაზრებს, რომლებიც აქციაზე - ვიცეკვოთ ჩვენი თავისუფლებისთვის აპროტესტებენ საქართველოს ხელისუფლების ძალადობას მოქალაქეებზე: " ამ მიზნით ვიკრიბებით, რათა ჩვენც ვიცეკვოთ თქვენთან ერთად".

სოლიდარობის აქციები გაიმართა ნიუ-იორკში, ტალინში, პარიზსა და ბერლინში. 13 მაისს ბერლინში კიდევ ერთი აქციაა დაგეგმილი.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.