სტამბოლში, შიშლის რაიონის გამგებელს შეიარაღებულმა თავდამსხმელმა თავში ესროლა. ამის შესახებ The Telegraph წერს ადგილობრივ მედიაზე დაყრდნობით.

გამოცემის ცნობით, მერის მოდგილე კრიტიკულ სიტუაციაშია.

15 ივლისს დაწყებული სამხედრო გადატრიალების შემდეგ თურქეთის ხელისუფლებამ 6 ათასამდე პირი დააკავა, მათ შორის არიან როგორც მაღალი რანგის სამხედროები, ისე რიგითი ჯარისკაცები. ხელისუფლებამ ასევე დააპატიმრა რამდენიმე ასეული მოსამართლე, 2700–ზე მეტ მოსამართლესა და პროკურორს კი უფლებამოსილება შეუჩერდა. გადატრიალების მცდელობას თურქეთში 290 ადამიანი ემსხვერპლა, 1 400 დაიჭრა.

ჯერჯერობით გაურკვეველია დაკავშირებული არის თუ არა გემგებლის ინციდენტი, შაბათის სახელმწიფო გადატრიალების მცდელობასთან.