სომხეთის საფეხბურთო ეროვნული ნაკრების კაპიტანმა და ლონდონის არსენალის ნახევარმცველმა, გენრიხ მხიტარიანმა, სამოქალაქო დაუმორჩილებლობის აქციაში მონაწილეებს მხარდაჭერა გამოუცხადა:

"ჩემი ერის შვილი ვარ და ვამაყობ ამით. ნებისმიერი სომხესის სიცოცხლე ძვირფასია ჩემთვის. ამიტომ მოგიწოდებთ და გთხოვთ ყველას გამოიჩინოთ გონიერება და პრობლემები მხოლოდ მშვიდობიანი გზით მოაგვაროთ. მე შენთან ვარ ჩემო ერო"

ერევანში მე-11 დღეა საპროტესტო აქციები მიმდინარეობს. ქალაქის ქუჩებში ათასეულობით ადამიანი სომხეთის ყოფილი პრეზიდენტის და ახლადარჩეული პრემიერ-მინისტრის, სერჟ სარგსიანის გადადგომას მოითხოვს.

აქციის მონაწილეებს სოლიდარობა გამოუცხადა System Of A Down-ის სოლისტმა სერჟ ტანკიანმაც. რამდენიმე სახალხო არტისტმა კი უარი თქვა სერჟ სარგსიანისგან მიღებულ ჯილდოზე.