შინაგან საქმეთა სამინისტროს ინფორმაციით, არასრულწლოვნის მიმართ ჩადენილი ძალადობის ბრალდებით ერთი პირი დააკავეს.

უწყების ინფორმაციით, ბრალდებულმა 13 წლის ბიჭს ფიზიკური შეურაცხყოფა მიაყენა. არასრულწლოვანს სხეულზე დაზიანება აღენიშნებოდა და ის საავადმყოფოში გადაიყვანეს. ბრალდებული უცხოეთის მოქალაქეა და ის ადგილზე დააკავეს.

გამოძიება სსკ-ის 126-ე მუხლის მე-2 ნაწილის "დ" ქვეპუნქტით მიმდინარეობს, რაც წინასწარი შეცნობით არასრულწლოვნის მიმართ ძალადობას გულისხმობს. დანაშაული თავისუფლების აღკვეთით ვადით ოთხიდან ექვს წლამდე ისჯება.