Deutsche Welle-ს ცნობით, ანგელა მერკელი გერმანიის პარლამენტმა მეოთხე ვადით აირჩია ფედერალურ კანცლერად, 364 ხმით 315-ის წინააღმდეგ. მერკელის გამარჯვებით დასრულდა მთავრობის ფორმირების 171 დღიანი პროცესი, რომელიც 2017 წლის 24 სექტემბრის არჩევნებით დაიწყო.

მერკელის ქრისტიან-დემოკრატიულმა პარტიამ სექტემბრის არჩევნები ხმების 33%-ით მოიგო. ხმების რაოდენობით მეორე მარტინ შულცის სოციალურ-დემოკრატიული პარტია არის (20,5 პროცენტი). მესამე ადგილას გავიდა ნაციონალისტური და ულტრა-მემარჯვენე პარტია ალტერნატივა გერმანიისთვის.

შედეგად, ქრისტიან-დემოკრატებმა და ქრისტიან-სოციალისტებმა მოლაპარაკება დაიწყეს სხვა პარტიებთან. უშედეგოდ დასრულდა კოალიციის შექმნა თავისუფალ დემოკრატებთან და მწვანეებთან, საბოლოოდ კი სოციალ-დემოკრატებთან მოახერხეს შეთანხმება.

გაიგეთ მეტი: არჩევნები გერმანიაში: გადამწყვეტი მომენტი ქვეყნის ისტორიაში

63 წლის ანგელა მერკელი მეოთხე ვადით იწყებს მართვას, როგორც კანცლერი