საერთაშორისო გამჭვირვალობა - საქართველოს კვლევის მიხედვით, ქართული ოცნების ხელისუფლებაში ყოფნის დროს სახელმწიფო უწყებების პრესსამსახურებში დასაქმებული ადამიანების რაოდენობა და ანაზღაურება გაიზრადა. კვლევა 2012-2017 წლის პერიოდს მოიცავს და 121 საჯარო უწყებიდან მიღებულ მონაცემებს ემყარება.

ფოტო: საერთაშორისო გამჭვირვალობა - საქართველო

"ხელისუფლების წარმომადგენლები ხშირად აცხადებენ, რომ მათი საქმიანობისა თუ მიღწევების შესახებ მოსახლეობა სათანადოდარ არის ინფორმირებული. მთავარ მიზეზად კი არასათანადო "პიარი" სახელდება", - ასე განმარტა საერთაშორისო გამჭვირვალობა - საქართველომ კვლევის ჩატარების მიზანი.

ორგანიზაციის ინფორმაციით, 2012-2017 წლებში სახელმწიფო უწყებების პრესსამსახურების ანაზღაურებაში 55,44 მილიონი ლარი დაიხარჯა, საიდანაც 2012 წელს მხოლოდ 10 პროცენტი - 5,69 მილიონი. სწორედ ამ წლის ოქტომბერში შეიცვალა ხელისუფლება და მმართველი ძალა ქართული ოცნება გახდა. ამავე წლებში პრესსამსახურის თანამშრომელთა რაოდენობა 423-დან 643-მდე გაიზარდა.