გურჯაანში, სპირტის ქარხნის ტერიტორიაზე მშენებარე ობიექტიდან 26 წლის მუშა გადმოვარდა და ადგილზე დაიღუპა.

სპირტის ქარხნის დირექტორმა ლადო ფოთოლაშვილმა Reginfo-ს უთხრა, რომ სამუშაო, რომელსაც ახალგაზრდა ასრულებდა, მის მოვალეობაში არ შედიოდა:

"ის იყო ზეინკლის თანაშემწე. მასთან შრომითი ხელშეკრულებაც ამაზეა გაფორმებული. საიდანაც გადმოვარდა, იქ არაფერი ესაქმებოდა."

როგორც შინაგან საქმეთა სამინისტროში On.ge-ს უთხრეს, გამოძიება სსკ-ის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

2011-2017 წლებში, 1 200-ზე მეტი ადამიანი დაიღუპა ან დაშავდა სამუშაო ადგილზე.