BBC-ის ცნობით, ისრაელის პოლიცია აცხადებს, რომ პრემიერ-მინისტრი ბენიამინ ნეთანიაჰუ მექრთამეობის საქმეებზე უნდა გასამართლდეს.

პოლიციის განცხადების თანახმად, უკვე საკმარისი მტკიცებულებები არსებობს, რათა ნეთანიაჰუ ქრთამის აღებასა და თაღლითობაში დაადანაშაულონ.

ისრაელის ტელევიზიასთან საუბრისას, ნეთანიაჰუმ განაცხადა, რომ ბრალდებები უსაფუძვლოა და მისი პრემიერობა ჩვეულებრივ გაგრძელდება.

BBC-ის ინფორმაციით, ბრალდებებს შორისაა ისიც, რომ ნეთანიაჰუ ისრაელის ერთ-ერთი გაზეთის Yediot Aharonot-ის გამომცემელს სთხოვდა, რომ ის პოზიტიურად გაეშუქებინა. პოლიცია ამავე გამოცემის რედაქტორის პასუხისგებაში მიცემასაც ითხოვს.

მეორე ბრალდება ეხება იმას, რომ პოლიციის ცნობით, 2009 წლიდან დღემდე, ისრაელის პრემიერმა 100 000 აშშ დოლარის ღირებულების საჩუქრები მიიღო ებრაელი მილიარდერისგან, არნორ მილჩენისგან და სხვა მხარდამჭერებისგან.

The Jerusalem Post-ის ინფორმაციით, საჩუქრებს შორის იყო შამპანიური და სიგარები, იმის სანაცვლოდ, რომ მილჩენს აშშ-ს ვიზა მიეღო.

პოლიციის ბრალდებები პრემიერის მიმართ ისრაელის მთავარმა პროკურორმა უნდა განიხილოს.