გავრცელებული ინფორმაციის მიხედვით, დღეს, 12 თებერვალს ოზურგეთის რაიონში, სოფელ შემოქმედში აფეთქების ხმა ისმოდა. დაზიანებულია მაღაზია. საქართველოს შინაგან საქმეთა სამინისტროს პრესსამსახურის ინფორმაციით, არავინ დაშავებულა.

უწყებაში ამბობენ, რომ მათ შეტყობინება მაღაზიის დაზიანების შესახებ მიიღეს, თუმცა აფეთქებასთან დაკავშირებით ინფორმაციას არ ფლობენ. მათივე თქმით, ადგილზე ექსპერტ-კრიმინალისტები მუშაობენ. საქმეზე გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის განადგურების გამო პასუხისმგებლობის დაკისრებას გულისხმობს.