დღეს, 9 თებერვალს თბილისში, ნინო ჟვანიას #10-ში მშენებარე კორპუსიდან მუშა გადმოვარდა და ადგილზე გარდაიცვალა. ინფორმაციას შინაგან საქმეთა სამინისტრო ადასტურებს.

უწყების თქმით, საქმეზე გამოძიება სისხლის სამართლის კოდექსის 240-ე მუხლით დაიწყო, რაც სამშენებლო ან სვა სამუშაოს წარმოებისას უსაფრთხოების წესის დარღვევას გულისხმობს, რამაც სიცოცხლის მოსპობა გამოიწვია. მუხლით გათვალისწინებულია თავისუფლების აღკვეთას ვადით ორიდან ხუთ წლამდე ან თანამდებობის დაკავების და საქმიანობის ჩამორთმევის უფლებას ვადით სამ წლამდე.

გაერთიანებული პროფკავშირების სტატისტიკით, 2017 წელს, 41 ადამიანი დაიღუპა და 66 მძიმედ დაშავდა სამუშაოს შესრულების დროს. მათგან, მშენებლობაზე მუშაობისას 17 გარდაიცვალა და 22 მძიმედ დაშავდა. მათივე ცნობით, გაცილებით დიდია სიკვდილიანობის შედეგები ტრამვის შემდეგ, რასაც ოფიციალური უწყებები აღარ აღრიცხავენ.

Human Rights Watch-ის 2018 წლის ანგარიშის თანახმად, საქართველოში ყოველ წელს ათეულობით მუშა იღუპება და ასობით შავდება საწარმოო ინციდენტების შედეგად.

წაიკითხეთ ამავე თემაზე: სად გადის ზღვარი ბიზნესის ინტერესსა და შრომით უფლებებს შორის