ეროვნულ-დემოკრატიული ინსტიტუტის კვლევის მიხედვით, საქართველოს მოსახლეობის უმრავლესობა ფიქრობს, რომ პარლამენტარი იმას გააკეთებს, რასაც პარტია ეტყვის. ასეთი ადამიანების წილი გამოკითხულთა 75 პროცენტია. ეს მაჩვენებელი, ბოლო ხუთ წელში, ამავე ორგანიზაციის მიერ ჩატარებული კვლევების განმავლობაში ყველაზე მაღალია.

კითხვაზე - რას მოელით პარლამენტის წევრისგან - სხვა პასუხები ასე გადანაწილდა:

  • ის თქვენს ინტერესებს დაიცავს - 41%;
  • ის მხოლოდ თავის ინტერესებს დაიცავს - 55%;
  • ის აქტიური იქნება - 55%.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.