საზოგადოებრივი მაუწყებლის აჭარის ტელევიზიასთან სასტმრო ლეოგრანდის მენეჯერი ამბობს, რომ შენობაში სახანძრო უსაფრთხოების ზომები დაცული იყო. მისი თქმით, სახანძრო კიბის არსებობაზე შესაბამისი სტრუქტურები განაცხადებენ:

"სამწუხაროდ ვერაფერს ვერ გეტყვით, ვერც დაგიდასტურებთ და ვერც უარვყოფ ამ ინფორმციას. გამოძიება დაადგენს ყველაფერს. სასტურმოში სახანძრო უსაფრთხოების ზომები დაცული იყო".

სასტუმრო ლეოგრანდში გაჩენილი ხანძრის შედეგად, გარდაცვლილია 11 ადამიანი, მათ შორის, 10 საქართველოს, ხოლო ერთი ირანის რესპუბლიკის მოქალაქე. აჭარის ტელევიზიის ინფორმაციით, გვამების ნაწილის იდენტიფიცირება უკვე დასრულებულია.

შინაგან საქმეთა მინისტრმა, გიორგი გახარიამ განაცხადა, რომ შენობაში სახანძრო ნორმები და მოთხოვნები დარღვეული იყო.

სასტუმრო ლეოგრანდში ხანძარი 24 ნოემბერს, დაახლოებით 20 საათზე გაჩნდა და ძლიერი კვამლი მალევე მოედო მთელ შენობას. მომხდარ ფაქტთან დაკავშირებით, გამოძიება საქართველოს სსკ-ს 243-ე მუხლის მე-3 ნაწილით მიმდინარეობს, რაც სახანძრო უსაფრთხოების წესის დარღვევას გულისხმობს