მომავალი წლიდან საუდის არაბეთში ქალები სტადიონებზე შესვლას შეძლებენ. ოჯახები სპორტულ ღონისძიებაზე დასწრებას ქვეყნის სამ დიდ ქალაქში იქნება შესაძლებელი - ერ-რიადი, ჯიდა და დამამი.

საუდის არაბეთის ოფიციალური პირების განცხადებით, სამ სტადიონზე უკვე დაიწყება მზადება იმისათვის, რომ "2018 წლიდან ოჯახებმა იქ შესვლა შეძლონ". სტადიონებზე დამონტაჟდება მონიტორები, მოეწყობა კაფეები და რესტორნები. აქამდე სივრცეები მხოლოდ კაცებისთვის იყო განსაზღვრული.

აღნიშნული გადაწყვეტილება ეფუძნება, საუდის არაბეთის პრინცის მუჰამედის ეკონომიკურ და სოციალურ რეფორმებს "ხედვა 2030-ს". ერთი თვის წინ, ქალებს მანქანის ტარების უფლება მისცეს. ასევე, ქვეყანაში დაიწყო კონცერტების ჩატარება და მალევე იგეგმება კინოთეატრების დაბრუნდება.