სომხეთის მთავრობა ხურავს ტელე და რადიოკომპანიას, რომელიც ეკლესიის მიერ მართული ტელეარხის, "შოღაკატის" მაუწყებლობას უზრუნველყოფს.

სომხური მედიის ცნობით, ტელეკომპანია "შოღაკატი" 1-ელი იანვარს შეწყვეტს ფუნქციონირებას.

25 დეკემბრის სხდომაზე სომხეთის მთავრობამ გადაწყვიტა დახურული სააქციო საზოგადოების "სულიერი და კულტურული საზოგადოებრივი ტელევიზიის" დაშლა და ლიკვიდაცია. ეს ეხება ტელეკომპანია "შოღაკატს".

სს "სულიერი და კულტურული საზოგადოებრივი ტელევიზიის კომპანია" სომხეთის მთავრობის 2011 წლის 24 თებერვლის გადაწყვეტილებით დაარსდა, რომლის მიხედვითაც მისი აქციების მართვის უფლებამოსილება საზოგადოებრივი ტელევიზიისა და რადიოს საბჭოს გადაეცა. კომპანიის ძირითადი საქმიანობაა სულიერი და კულტურული სატელევიზიო პროგრამების წარმოება და ტრანსლაცია.

გადაწყვეტილების დასაბუთებაში ნათქვამია, რომ დაშლის საფუძველია 2025 წლის 24 ოქტომბრის კანონი "აუდიოვიზუალური მასმედიის შესახებ კანონში ცვლილებების შეტანის შესახებ".

შეგახსენებთ, რომ 24 ოქტომბერს სომხეთის პარლამენტმა მიიღო "აუდიოვიზუალური მასმედიის შესახებ" კანონში ცვლილებების პროექტი, რომელიც ითვალისწინებს საზოგადოებრივი მაუწყებლების რაოდენობის ორამდე შემცირებას, ამავდროულად, საგანმანათლებლო და კულტურული პროგრამების მოთხოვნის გაუქმებას. ცვლილებების დასაბუთებაში მითითებული იყო, რომ ტელეკომპანია "შოღაკატი" ეტაპობრივად გაუქმდებოდა და საზოგადოებრივი მაუწყებლების სიიდან ამოიღებდნენ.