ბიძინა ივანიშვილმა დღეს ბიზნესმენებთან, ბიზნესასოციაციის წარმომადგენლებთან და ეკონომიკის ექსპერტებთან შეხვედრა გამართა, სადაც მან მედიის მუშაობაზეც ისაუბრა:

"მედია არის აბსოლუტურად თავისუფალი და მას შეუძლია ილაპარაკოს ის, რაც სურს და წარმოაჩინოს ისე, როგორც მას სურს. სიღარიბე, რომელსაც ოპოზიციური ძალებისგან მართული მედია წარმოაჩენს, ქმნის გარკვეულ ხიბლს იმისას, რომ კიდევ ერთხელ დაარწმუნონ მოსახლეობა, რომ ეს არის ხელისუფლების ბრალი და ესეთი ხელისუფლება უნდა მოვიშოროთ".

ყოფილმა პრემიერმა აღნიშნა, რომ საზოგადოების შეცდომაში შეყვანამ შესაძლოა ქვეყანას ეკონომიკური სტაბილურობა დააკარგვინოს.