საქართველოდან გერმანიის ელჩის, პეტერ ფიშერის გაწვევას ოცნების პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი გამოეხმაურა:

"იმ განცხადებებითა და ქცევით თუ ვიმსჯელებთ, რასაც ბოლო პერიოდი განმავლობაში გერმანიის დიპლომატი საქართველოში აკეთებდა, ეს არის ერთი მხრივ შიდა საქმეებში ჩარევა და ვენის კონვენციის 41-ე მუხლის უხეში დარღვევა. ამით ალბათ სახე შეუნარჩუნეს ბატონ პიტერს და იმედი მაქვს, რომ ამ საქციელის უკან დგას გერმანიის სურვილი, რომ საქართველოსა და გერმანიას შორის ურთიერთობები შენარჩუნდეს. იმედი მაქვს, ეს იქნება ერთგვარი მაგალითი თუ როგორ არ უნდა მოიქცეს დიპლომატი ქვეყანაში", — განაცხადა ლაშხმა.

გერმანიამ ელჩი პეტერ ფიშერი საქართველოდან კონსულტაციებისთვის 19 ოქტომბერს გაიწვია. მათი განმარტებით, მათი ამ გადაწყვეტილების მიზეზი საქართველოს ხელისუფლების მიერ ევროკავშირის, გერმანიის და პირადად ელჩის წინააღმდეგ გაკეთებული განცხადებებია.