პარიზის ლუვრის მუზეუმი გაქურდეს — მუზეუმი დახურულია. ამის შესახებ საფრანგეთის კულტურის მინისტრმა, რაშიდა დატიმ, სოციალურ ქსელ X-ზე დაწერა. ინფორმაციას BBC ავრცელებს.

დატის განცხადებით, ქურდობა დილით, მუზეუმის გახსნისას მოხდა. მინისტრი ადგილზე იმყოფება, სადაც საგამოძიებო ღონისძიებები მიმდინარეობს.

მუზეუმის ადმინისტრაციამ ოფიციალურად დაადასტურა, რომ ლუვრი "განსაკუთრებული მიზეზების გამო" ერთი დღით დაიხურა, თუმცა დამატებითი ინფორმაცია არ გავრცელებულა.

ფრანგული მედიის ცნობით, მძარცველებმა ძვირფასეულობა მოიპარეს — სამი ნიღბიანი პირი შენობაში სასაწყობე ლიფტით შეიჭრა. ამ დროისთვის მოპარული ნივთების ზუსტი ღირებულება უცნობია.