საქართველოს შინაგან საქმეთა სამინისტროში აცხადებენ, რომ ქვემო ქართლის პოლიციის თანამშრომლებმა, ჩატარებული საგამოძიებო მოქმედებებით, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს. საუბარია 18,2484 გრამ ნარკოტიკულ საშუალებაზე, რომელიც 2,2815 გრამ ჰეროინს შეიცავს.

უწყებაში ამბობენ, რომ დაკავებული დანაშაულს აღიარებს.

გამოძიება სისხლის სამართლის კოდექსის 260-ე მუხლის მეექვსე ნაწილის "ა" ქვეპუნქტით მიმდინარეობს. ამ მუხლით, განსაკუთრებით დიდი რაოდენობით ნარკოტიკული საშუალებების შეძენა-შენახვა ისჯება თავისუფლების აღკვეთით რვიდან ოც წლამდე ან უვადოდ.