საქართველოს ბანკი, ქართველი YouTube კრეატორების მხარდასაჭერად, პირველ, მასშტაბურ ქართულ რეალითი შოუს Creator-ს იწყებს, რომლის მიზანი ქართველი დამწყები YouTube-ერების მხარდაჭერა და მთლიანად ეკოსისტემის გაძლიერებაა.

პროექტის მასშტაბის, წესებისა და მოლოდინების შესახებ Creator-ის ჟიურის ერთ-ერთი წევრი, ნიკა კაკოიშვილი (კაკო) გვესაუბრება და საზოგადოებას კონკურსში წარმატებულად მონაწილეობისთვის საჭირო რჩევებს უზიარებს.

გამოიწერეთ კაკოს YouTube არხი HumanKako.

ინფორმაციისთვის, უკვე ერთი თვეა, რაც საქართველოს ბანკი HumanKako-ს მთავარი სპონსორია.

თქვენი აზრით, რამდენად განვითარებულია დღეს საქართველოში კრეატორობის კულტურა?

საქართველოში კრეატორობის კულტურა ჯერ კიდევ ბავშვობიდან იჩენს თავს. ბევრი ტალანტია, მაგრამ ეკოსისტემაა სუსტი — ბრენდები ჯერ კიდევ ტრადიციულ მედია მოდელებზე გაუაზრებლად ხარჯავენ დიდ თანხებს, შესაბამისად, არ არის სტაბილური მონეტიზაციის პლატფორმები.

ნაკლებია ცოდნა და ხშირად საზოგადოება უფრო კრიტიკულია, ვიდრე მხარდამჭერი.

რა არის მთავარი გამოწვევა ამ სფეროს განვითარების პროცესში?

მთავარი გამოწვევებია: ტექნიკური ცოდნის ნაკლებობა, ფინანსური რესურსების სიმცირე და ის სოციალური ზეწოლა განსჯის შიში, რომელიც ბევრს აფერხებს, ვიდეოს ატვირთვამდე.

რა მნიშვნელობა ენიჭება ამ გამოწვევების დაძლევაში კერძო ორგანიზაციების ჩართულობას?

ორგანიზაციები ქმნის სტაბილურობას, ფინანსურ სტიმულსა და აღიარებას. როდესაც კომპანია ჩნდება ამ სივრცეში, ეს უკვე განაცხადია დამწყებთათვის, რომ ეს სერიოზული საქმეა, ეს მომავალია, აქ შესაძლებელია კარიერის შექმნა.

ეს გრძელვადიან პერსპექტივაში ქართულ YouTube-ს მაღალ დონეზე აიყვანს და ნელ-ნელა კომპანიებისთვისაც პრესტიჟული გახდება იუთუბზე გამოჩენა.

თქვენი აზრით, რა წვლილს შეიტანს Creator საქართველოში Youtube ეკოსისტემის განვითარების მიმართულებით?

Creator-ის საშუალებით პირველად ჩნდება სივრცე, სადაც დამწყებებს საშუალება ექნებათ, საკუთარ იდეას მისცენ ფორმა, მოისმინონ პროფესიონალების რეალური კრიტიკა და განვითარებისთვის მიიღონ წვდომა საჭირო რესურსებზე.

ეს არა მხოლოდ მონაწილეებს დაეხმარება, არამედ მაყურებელსაც აჩვენებს, რომ იუთუბერობა არ არის უბრალოდ გართობა, ეს არის პროფესია, რომელსაც უამრავი მიკრო გადაწყვეტილება ახლავს თან და მაყურებელიც რეალურად დაინახავს ამ შრომას.

თქვენთვის, როგორც ჟიურის წევრისთვის, რა არის ის მთავარი კრიტერიუმები, რომლებსაც მონაწილე უნდა აკმაყოფილებდეს?

ზოგადად, პროექტის ფარგლებში მნიშვნელოვანია მონაწილეს ჰქონდეს ორიგინალური იდეები, შრომისუნარიანობა და ენერგია, რაც ვიდეოდან მოედება აუდიტორიას. თავდაჯერებული უნდა იყოს კეთების პროცესში, მაგრამ მერე შეეძლოს რეფლექსია. ყოველი ვიდეოს დადების შემდეგ უნდა უყუროს მას თავიდან, ჩახედოს ანალიტიკას, დააკვირდეს უკუკავშირს და გააანალიზოს, თუ როგორ შეუძლია უკეთესი მომდევნო ვიდეოს შექმნა.

უშუალოდ ⁠ჩემთვის კი მთავარი კრიტერიუმია, რომ ადამიანს ჰქონდეს პასუხი მთავარ კითხვაზე: რატომ?!

თუ შენ იუთუბს იწყებ მარტო იმიტომ, რომ ფული იშოვო ან პოპულარული გახდე — მალევ დანებდები. თუ იცი, რატომ აკეთებ ამ ყველაფერს, მაშინ მე შენს მხარეს ვარ.

რა არის ის რჩევა, რომლის მოსმენაც მოგინდებოდათ, როდესაც პირველად დგამდით ნაბიჯს Youtube-ის სივრცეში?creator.bog.ge

მზად იყავი იმაზე მეტი სტრესისთვის ვიდრე წარმოგიდგენია.

იუთუბერობა ნებისმიერი სხვა საქმიანობისგან განსხვავებით ორმაგად სტრესულია, რასაც აკეთებ, მაშინვე ასაჯაროვებ. ეს იმას ნიშნავს, რომ შენი სისუსტეებიც, შეცდომებიც და სულელური მომენტებიც ყველას თვალწინ ჩანს. უარუოფითი მესიჯებიც მაშინვე წამოვა, დაიწყებენ დაწვრილმანებას, დაცინვას, კომენტარებს არაფერი გამოგდის, ქრინჯი ხარ. მაგრამ ეგ ნორმალურია. ეგ ისაა, რაც ყველას გაგვივლია და თუ ამას ვერ აიტან, ჯობს საერთოდ არ დაიწყო.

ამასთან, მინდა ყველა დამწყებ იუთუბერს შევახსენო, რომ საქართველოში YouTube სივრცე ჯერ კიდევ ცარიელია. ახლაა საუკეთესო დრო დასაწყისისთვის.

თუ დღეს დაიწყებ და ხვალ არ გაჩერდები, ზეგ უკვე შენ იქნები ის პირველი, ვისაც სხვები მიბაძავენ.

ინფორმაციისთვის, მუდმივ ჟიურისთან ერთად ყოველ ეპიზოდს ეყოლება მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს გაუზიარებს.

პროექტის გამარჯვებული კი საქართველოს ბანკისგან მიიღებს ფულად ჯილდოს — 20,000 ლარის ოდენობით.

პროექტში მონაწილეობის მსურველებმა 30 სექტემბრამდე უნდა შეავსონ სარეგისტრაციო ფორმა და ატვირთონ საკუთარი ვიდეოს ბმული (YouTube-ზე unlisted სახით) creator.bog.ge-ზე. შერჩეულ მონაწილეები კი უნდა დაელოდონ უკუკავშირს.