ფენი თავის მოვლის საშუალებებს შორის ერთ-ერთი ყველაზე საჭირო ტექნიკაა. კონტაქტ ჰოუმში თქვენ შეგიძლიათ იპოვოთ თმის ფენი, რომელიც შესაფერისია ყველა ასაკისთვის, მათ შორის ქალებისთვის, მამაკაცებისთვის და ბავშვებისთვის, დანიშნულებისამებრ და თმის ტიპის მიხედვით.

თმის საშრობ, დასახვევ, სტაილერულსა და გასასწორებელ ფენებს აწარმოებენ სხვადასხვა ზომისა და დიზაინის მახასიათებლების მიხედვით, იმისთვის, რომ თქვენი ყველა საჭიროება და სურვილი დაკმაყოფილდეს.

როგორ შევარჩიოთ თმის საშრობი ფენი?

საუკეთესო თმის ფენის შესარჩევად, გასათვალისწინებელია რამდენიმე ფაქტორი:

• თმის სტრუქტურასთან შესაბამისობა — ძალიან მნიშვნელოვანია თქვენი თმის ტიპისთვის შესაფერისი ფენი აირჩიოთ. თხელი თმის შემთხვევაში, უპირატესობა უნდა მიენიჭოს დაბალ ტემპერატურაზე მომუშავე მოდელებს, რომლებიც ნაზად გააშრობს თმას. სქელი და ხვეული თმისთვის იდეალური იქნება უფრო მძლავრი და მაღალი ტემპერატურის რეჟიმის ფენები.
• ტემპერატურის რეჟიმები — სითბოს პარამეტრები ერთ-ერთი ყველაზე მნიშვნელოვანი ფაქტორია, რომელიც განსაზღვრავს თმის საშრობის ხარისხს. ფენს უნდა ჰქონდეს მინიმუმ სამი განსხვავებული ტემპერატურის რეჟიმი: დაბალი, საშუალო და მაღალი. ეს ფუნქციები საშუალებას გაძლევთ აირჩიოთ თქვენი თმის ტიპისა და სასურველი ვარცხნილობისთვის ყველაზე შესაფერისი ტემპერატურა, იმისთვის, რომ თმები არ დაგიზიანდეთ.
• სიჩქარის დონე — სიჩქარის პარამეტრები ასევე გასათვალისწინებელი და მნიშვნელოვანი ფაქტორია. სხვადასხვა სიჩქარის პარამეტრები ოპტიმიზირებს გაშრობის დროის ხანგრძლივობას თქვენი თმის სიგრძისა და სისქის მიხედვით. მაგალითად, მიუხედავად იმისა, რომ მოკლე ან თხელი თმისთვის დაბალი სიჩქარე შეიძლება საკმარისი იყოს, გრძელი და სქელი თმის შემთხვევაში, მაღალი სიჩქარე უფრო ეფექტური იქნება. ექსტრა სწრაფი, ტურბო რეჟიმის დახმარებით კი სველი თმა უმოკლეს დროში შეგიძლიათ გაიშროთ.
• გამოყენების სიმარტივის თვალსაზრისით, ასევე გასათვალისწინებელი ფაქტორებია თმის საშრობების წონა, ზომა და დიზაინი. მსუბუქი და კომპაქტური დიზაინის ფენი დიდი უპირატესობაა ყოველდღიურადაც და განსაკუთრებით მოგზაურობის დროს.
• ფასი vs ხარისხი — თმის საშრობის არჩევისას ასევე უნდა გაითვალისწინოთ ფასისა და ხარისხის თანაფარდობა. მთავარია, აირჩიოთ მოდელი, რომელიც გთავაზობთ საუკეთესო ფუნქციებს და შეესაბამება თქვენს ბიუჯეტს. მაგალითად ზუსტად ასეთია Laifen ბრენდის თმის საშრობები, რომლის მახასიათებლებსაც ზემოთ მოცემულ ცხრილში შეგიძლიათ გაეცნოთ.
• გარანტია — გაითვალისწინეთ გარანტიის ვადები, რადგან თუ ფენთან დაკავშირებით რაიმე პრობლემა შეგექმნებათ, შეძლებთ გარანტიის ფარგლებში შეკეთების ან შეცვლის სერვისებით სარგებლობას.
• ფენის ხმაურის დონე — დაბალი ხმაურის დონის მქონე თმის საშრობები იდეალური არჩევანია მათთვის, ვისაც თმის გაშრობა უწევს, განსაკუთრებით დილით ადრე ან გვიან ღამით. ეს მოწყობილობები ხმაურის დონეს მინიმუმამდე ამცირებს და საშუალებას გაძლევთ, თმა გაიშროთ კომფორტულად, ოჯახის წევრებისა და მეზობლების შეწუხების გარეშე.
• სიმძლავრე (watt) — თმის საშრობებში, ვატი მიუთითებს მოწყობილობის ძრავის ძალაზე. ფენი, რომელსაც მაღალი სიმძლავრე აქვს უფრო ძლიერად მუშაობს. ხანმოკლე გაშრობის პროცესებისთვის შეიძლება უპირატესობა მიენიჭოს 700 ვატიანი ან 1000 ვატიანი სიმძლავრის თმის საშრობებს. ამ მოდელებით თხელი თმის გაშრობა ძალიან მარტივია. თუმცა, უფრო ხანგრძლივი გამოყენებისთვის 1200 ვატიანი, 1400 ვატიანი ან 1500 ვატიანი ფენები უკეთესია.
• კომპლექტაცია — ძალიან მნიშვნელოვანია ყურადღება მივაქციოთ კომპლექტაციასაც. სწორი კომპლექტაცია არამარტო მრავალფუნქციურობას უზრუნველყოფს, არამედ ზოგავს დროს და თმის სიჯანსაღის შენარჩუნებასაც უწყობს ხელს. მაღალი ხარისხის ფენს, აუცილებელია, მოჰყვებოდეს რამდენიმე დამატებითი თავაკი, როგორებიცაა მაგალითად დიფუზორი და კონცენტრატორი.
• დიფუზორი იდეალურია ტალღოვანი ან ხვეულთმიანი ადამიანებისთვის. ის თანაბრად ანაწილებს ჰაერის ნაკადს და ეხმარება თმას ბუნებრივი მოცულობის შენარჩუნებაში.
• კონცენტრატორი კი არაჩვეულებრივია თმის გასასწორებლად და აუმჯობესებს სტაილინგის შედეგს.

ტოპ 4 ყველაზე ბიუჯეტური თმის ფენი კონტაქტში

Laifen SE — სწრაფი გაშრობა, თმის სტაილინგი, ჩუმი, იონური, ელეგანტური დიზაინი, ტემპერატურის ზუსტი კონტროლით იცავს თმას დაზიანებისგან.

Remington D6077 — მოჰყვება 4 სხვადასხვა თავაკი, მრავალმხრივ გამოყენებადი, თმის ორმაგი იონიზაცია მეტი სიჯანსაღისა და მბზინვარებისთვის.

Franko FHD-1237 — მოჰყვება 1 კონცენტრატორი და 1 დიფუზორი, თმის იონიზაცია მეტი ბზინვარებისთვის, სიჩქარის 3 და ტემპერატურის 3 რეჟიმი.

Panasonic EH-ND65-K865 — მოგზაურობისთვის მოსახერხებელი, გადახურებისგან დაცვის რეჟიმი, მსუბუქი, კომპაქტური და დასაკეცი.

სად შევიძინოთ?

თმის საშრობები ყოველდღიური თავის მოვლის რუტინის ერთ-ერთი შეუცვლელი კომპონენტია. წამყვანი ბრენდები, როგორებიცაა Laifen, Remington, Dyson, Gama, Franko, Hoffmann, Panasonic, Shark აწარმოებს სხვადასხვა ტექნოლოგიებით აღჭურვილ ფენებს, რომლებიც შექმნილია თმის ტიპისა და მომხმარებლის პრეფერენციების მიხედვით . თქვენ შეგიძლიათ, მარტივად აირჩიოთ ზემოთ აღნიშნული ნებისმიერი ბრენდის ფენი Kontakt.ge ვებსაიტზე ან კონტაქტ ჰოუმის ფიზიკურ მაღაზიებში, გაეცნოთ პროდუქტის მახასიათებლებს და შეიძინოთ თქვენთვის საუკეთესო მოდელი.

თუ გსურთ განვადებით შეძენა, მარტივია! კონტაქტ ჰოუმში მხოლოდ პირადობის მოწმობით, ფასს შიდა უპროცენტო განვადებით, 18 თვემდე გაანაწილებთ და ყოველდღე სასურველი ვარცხნილობით დატკბებით.