"ქართველი ხალხის მოლოდინების მიუხედავად, ისინი [ოცნება] ცდილობენ, საქართველო უკან, რუსული სტილის მმართველობაში დააბრუნონ — რუსული კოშმარი ბრუნდება, რომ გვდევნოს 21-ე საუკუნეში", — ამის შესახებ საქართველოს მე-5 პრეზიდენტმა, სალომე ზურაბიშვილმა ლიეტუვის რესპუბლიკის პარლამენტში სიტყვით გამოსვლისას თქვა.

"ჩვენ დღეს ვართ რეპრესიების ქვეშ მყოფი ერი - ჟურნალისტები, სამოქალაქო აქტივისტები, პოლიტიკოსები მიჰყავთ პოლიციის განყოფილებებში და გაყალბებულ ბრალდებებს უყენებენ მათ.

აქ, როცა აქ ვდგავარ თქვენს წინაშე ერთ-ერთი ცნობილი ხელოვანის სასამართლო პროცესი მიმდინარეობს და მას, შესაძლოა არაფრის გამო 11 წელი მიუსაჯონ იმის გამო, რომ ის მშვიდობიანად აპროტესტებდა.

ეს ხელისუფლება იყენებს რუსულ ტაქტიკას. ისინი იარაღად იყენებენ პოლიციას, ძალაუფლებას, მართლმსაჯულებას საკუთარი მოქალაქეების წინააღმდეგ.

მზია ამაღლობელის საქმე, რომელიც აშუქებდა საპროტესტო მოძრაობას, ასევე სტუდენტები, რომლებსაც ბრალს დებენ, რომ ისინი მონაწილეობდნენ ჯგუფურ ძალადობაში.

ეს ადამიანები არ არიან კრიმინალები, ისინი არიან უბრალო მოქალაქეები, რომლებსაც სჯერათ დემოკრატიული მომავლის", — განაცხადა სალომე ზურაბიშვილმა (EuroNews-ის სინქრონულ თარგმანს ტაბულა ავრცელებს).

მისივე თქმით, "საქართველოში კრიზისი მწვავდება. არჩევნების გაყალბების გარდა, პოლიტიკური კრიზისის გარდა, სადაც ოპოზიცია ეწინააღმდეგება არჩევნების შედეგებს, როდესაც მმართველი პარტია ცდილობს ძალაუფლების კონსოლიდაციას, რა ფასადაც არ უნდა დაუჯდეს, ჩვენ წინააღმდეგობას ვუწევთ განსხვავებულ გამოწვევას, რომლის კვალიფიცირება შეიძლება მხოლოდ როგორც ეგზისტენციალური გამოწვევა", — თქვა სალომე ზურაბიშვილმა