თბილისში "საქართველოს საზოგადოებრივი ასამბლეის" დამაარსებელი ეროვნული ყრილობა გაიმართა.

ასამბლეა სხვადასხვა სფეროს 100-ზე მეტი წარმომადგენლისგან შემდგარმა საინიციატივო გუნდმა დააარსა. მათი თქმით, ასამბლეა საქართველოში არსებული ღრმა პოლიტიკური კრიზისის საპასუხოდ შეიკრიბა.

ასამბლეის მიზანია, ქვეყანაში არსებული პოლიტიკური კრიზისი გადაიჭრას და საქართველო დაბრუნდეს კონსტიტუციურ ჩარჩოში, ევროინტეგრაციის გზაზე. ასამბლეის მთავარი მოთხოვნები ემთხვევა მიმდინარე უწყვეტი პროევროპული პროტესტის მოთხოვნებს — გაიმართოს ხელახალი, სამართლიანი არჩევნები და გათავისუფლდნენ უკანონოდ, პოლიტიკური ნიშნით დაკავებული აქტივისტები.