"თბილისი მოლთან" გამართულ საპროტესტო აქციაზე დაკავებულ 8 მომიტინგეს სასამართლომ გირაო შეუფარდა — ისინი თანხის გადახდის შემდეგ გათავისუფლდებიან.

კერძოდ გიგი უგულავას, დიმიტრი ბიძინაშვილს, ირაკლი ტაბატაძეს, ირაკლი წიგნაძესა და ალექსანდრე გოგოლაძეს 5000-ლარიანი, ნიკოლოზ ქუმსიშვილს 4000-ლარიანი, ვასილ ელიავასა და ნიკოლოზ კუტუბიძეს კი 3500-ლარიანი გირაო შეეფარდათ.

აღნიშნული გადაწყვეტილება თბილისის საქალაქო სასამართლოს მოსამართლემ, დავით კურტანიძემ მიიღო და ამით პროკურატურის შუამდგომლობა დააკმაყოფილა.

თავად ბრალდებულებმა სიტყვის უფლებით ისარგებლეს და აღნიშნეს, რომ მათ დანაშაული არ ჩაუდენიათ.

ინფორმაციისთვის, დაკავებულებს ბრალი სისხლის სამართლის კოდექსის 19-222-ე მუხლით წარედგინათ, რაც სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობას გულისხმობს და 2-დან 4- წლამდე თავისუფლების აღკვეთას ითვალისწინებს.