თელავის მუნიციპალიტეტში, სოფელ არტანთან კოხტას მთაზე გაჩენილი ხანძრის ლოკალიზებაში ავიაცია ჩაერთვება. საგანგებო სიტუაციების მართვის სააგენტოში On.ge-ს განუცხადეს, რომ 100-მდე ცოცხალი ძალა მუშაობს ცეცხლის კერასთან და ადგილზე უკვე გაფრინდა 2 ირანული და 1 ქართული ვერტმფრენი.

უწყების ცნობით, მთის ფერდობზე ძლიერი კვამლია და ჯერჯერობით ვერ განსაზღვრეს ხანძრის სიძლიერე და ის თუ რა ფართობზეა გავრცელებული.

კახეთში, სოფელ ართანის მახლობლად კოხტას მთის ფერდობზე ხანძარი დღეს დილით გაჩნდა. ვინაიდან შემთხვევის ადგილი მიუვალია და ფერდობზე ხშირი ფოთლოვანი ტყეა, მეხანძრეები ცეცხლის კერამდე ფეხით უნდა ავიდნენ.