Politico-ს მიერ გავრცელებული ინფორმაციით, საფრანგეთის პრემიერმინისტრმა, ფრანსუა ბაირუმ ახალი მთავრობა წარადგინა, რომელიც ბოლო ერთი წლის განმავლობაში რიგით მეოთხე მთავრობაა.

საფრანგეთის მთავრობის ახალ კაბინეტში საგარეო საქმეთა მინისტრი ჟან-ნოელ ბარო იქნება, თავდაცვის მინისტრი სებასტიან ლეკორნუ, ხოლო ეკონომიკის მინისტრის თანამდებობას ერიკ ლომბარდი დაიკავებს.

საფრანგეთის პრეზიდენტმა, ემანუელ მაკრონმა 73 წლის ფრანსუა ბაირუ პრემიერმინისტრის თანამდებობაზე გასულ კვირას დანიშნა. ეს იმის შემდეგ, მოხდა, რაც მიმდინარე თვის დასაწყისში, ფრანსუას წინამორბედს, მიშელ ბარნეს პარლამენტმა უნდობლობა გამოუცხადა.