ნიკა გვარამიამ მარნეულის წინასწარი დაკავების იზოლატორი 12-დღიანი პატიმრობის შემდეგ დატოვა.

"სადაც სხვები, იქაც მე. მიტინგზე მეც წავალ დღეს აუცილებლად", — განაცხადა გვარამიამ იზოლატორიდან გამოსვლის შემდეგ.

კოალიცია ცვლილებების ერთ-ერთი ლიდერი ნიკა გვარამია პოლიციამ გირჩი-დროას ოფისთან 4 დეკემბერს ადმინისტრაციულ სამართალდარღვევათა კოდექსით გათვალისწინებული დანაშაულით დააკავა.

ფაქტს წინ უძღოდა სიტყვიერი და ფიზიკური დაპირისპირება. შელაპარაკება გვარამიას მოთხოვნას მოჰყვა, მას ოფისში შესვლა და ჩხრეკაზე დასწრება სურდა. სამართალდამცველებმა მას უთხრეს, რომ საგამოძიებო მოქმედებები უკვე დაწყებულია, ადგილზე იმყოფება წარმომადგენელიც და ხელის შეშლის შემთხვევაში კანონის შესაბამისად იმოქმედებენ.