აფხაზეთის უმაღლესი საბჭოს წევრი, ხმოსანი ზურაბ ჯგუბურია 14 დეკემბერს, არალეგიტიმური პრეზიდენტის არჩევაში მონაწილეობას არ მიიღებს. ის სოციალურ ქსელში წერს, რომ არჩევნების სამართლიანობას და მისი ლეგიტიმურობას არ იზიარებს.

"მე არ მჭირდება რჩევა, თუ სად და ვისთან უნდა დავდგე - მე საკუთარი აზრით, მსოფლმხედველობით და ჩემი ქვეყნისთვის, მეგობარ - თანამემამულეებისთვის, ქართველი ახალგაზრდებისთვის: ჩემი დიდი ოჯახის, შვილების/შვილიშვილების ბედნიერი მომავლის რწმენით ვცხოვრობ ამ ქვეყანაზე.

მენტალურ რუსს ქვეყნის პრეზიდენტად ვერ ავირჩევ, და საერთოდ, არც ამ არჩევნების სამართლიანობას და მისი ლეგიტიმურობას ვიზიარებ!", — წერს აფხაზეთის უმაღლესი საბჭოს წევრი, ხმოსანი ზურაბ ჯგუბურია.