150 დეპუტატის უფლებამოსილების ცნობის შემდეგ, "ქართულმა ოცნებამ" საპარლამენტო თანამდებობებიც დააკომპლექტა. ოპოზიციის არყოფნაში "ოცნების" პარლამენტარებმა თავმჯდომარედ შალვა პაპუაშვილი აირჩიეს. მის თავმჯდომარეობას მხარი 88 დეპუტატმა დაუჭირა.

პირველი ვიცე-სპიკერი გიორგი ვოლსკი იქნება. პარლამენტის თავმჯდომარის მოადგილეები —თეა წულუკიანი და ნინო წილოსანი.

განაწილდა კომიტეტების თავმჯდომარეების პოსტებიც.

  1. აგრარულ საკითხთა კომიტეტი – გელა სამხარაული;
  2. ადამიანის უფლებათა კომიტეტი – რატი იონათამიშვილი;
  3. განათლების კომიტეტი – გივი მიქანაძე;
  4. გარემოს დაცვის კომიტეტი – მაია ბითაძე;
  5. დარგობრივი ეკონომიკის კომიტეტი – შოთა ბერეკაშვილი;
  6. დიასპორის კომიტეტი – ირაკლი ზარქუა;
  7. ევროინტეგრაციის კომიტეტი – ლევან მახაშვილი;
  8. თავდაცვის კომიტეტი – ალექსანდრე ტაბატაძე;
  9. იურიდიული კომიტეტი – გიორგი კახიანი (მას შემდეგ რაც ანრი ოხანაშვილი, მაკა ბოჭორიშვილი და დავით სონღულაშვილი მანდატებს დატოვებენ, კომიტეტის თავმჯდომარის პოსტზე კახიანს არჩილ გორდულაძე შეცვლის);
  10. კულტურის კომიტეტი – გიორგი გაბუნია;
  11. რეგიონულ საკითხთა კომიტეტი – ირაკლი ქადაგიშვილი;
  12. საგარეო კომიტეტი – ნიკოლოზ სამხარაძე;
  13. საპროცედურო საკითხთა კომიტეტი – დავით მათიკაშვილი;
  14. საფინანსო საბიუჯეტო კომიტეტი – პაატა კვიჟინაძე;
  15. სპორტის კომიტეტი – ვიქტორ სანიკიძე;
  16. ჯანდაცვის კომიტეტი – ზაზა ლომინაძე.