სომხეთში მაღალი თანამდებობის პირებმა თანამდებობები დატოვეს. თანამდებობა დატოვეს შინაგან საქმეთა მინისტრმა, ტერიტორიული მართვისა და ინფრასტრუქტურის მინისტრმა, ანტიკორუფციული კომიტეტის უფროსმა, სახელმწიფო შემოსავლების კომიტეტის თავმჯდომარემ, საგამოძიებო კომიტეტის ხელმძღვანელმა და იუსტიციის უმაღლესი საბჭოს თავმჯდომარემ.

სომხური მედიის ინფორმაციით, გადადგომებს სომხეთის პრემიერ-მინისტრი გამოეხმაურა — ნიკოლ ფაშინიანის განცხადებით, ზოგიერთ მაღალჩინოსანს თანამდებობის დატოვება მან სთხოვა, თუმცა სომხეთის პრემიერი ამბობს, რომ ეს არა პირადი, არამედ სისტემური ხასიათითაა განპირობებული.