ისრაელმა ლიბანის საპორტო ქალაქ ტვიროსის დაბომბვა დაიწყო. ინფორმაციას ლიბანური მედია ავრცელებს.

დაბომბვის დაწყებამდე ისრაელის არმიის პრესსპიკერმა, ავიხაი ადრაიმ ქალაქის მოსახლეობას სასწრაფო ევაკუაციისკენ მოუწოდა.

სულ მცირე ორი ცხედარი იპოვეს ბეიტ ლაჰიაში საცხოვრებელი კორპუსის ნანგრევებში. ადგილობრივი წყაროები იუწყებიან, რომ დაბომბვის შედეგად რამდენიმე შენობა ერთად ნადგურდება.

გამოცემა წერს, რომ 2023 წლის 7 ოქტომბრის შემდეგ, ისრაელის თავდასხმების შედეგად, ღაზაში მინიმუმ 42,792 ადამიანი დაიღუპა და 100,412 დაიჭრა. დაახლოებით 1,139 ადამიანი დაიღუპა ისრაელში ჰამასის მიერ 7 ოქტომბრის თავდასხმების დროს, ხოლო 200-ზე მეტი ტყვედ აიყვანეს.