რაც არ უნდა გასაკვირი იყოს, ყველაზე პოპულარული ბითლზის სიმღერა ჯორჯ ჰარისონის საავტორო, Here Comes the Sun არის. სიმღერა ამ მომენტისათვის 1 433 830 334 სტრიმით ლიდერობს Spotify-ზე. ეს თითქმის მილიონით მეტია, ვიდრე სიის მეორე ნომერი, In My Life. ამ, ერთი შეხედვით ჩვეულებრივი, სიმღერის ჩაწერა ტექნიკურად რთული და არატრადიციული პროცესი გამოდგა, რადგან ჯგუფის წევრები უკვე ხვდებოდნენ — დაშლა გარდაუვალი იყო. სიმღერას, უდავოდ, გვიანი 60-იანების ბითლზის ხელწერა ეტყობა.

მიუხედავად იმისა, რომ 60-იანი წლების ბოლოსკენ, ჯგუფის ყველა წევრი გრძნობდა ჯგუფის დასასრულს, სიმღერაზე ლეგენდარულმა ოთხეულმა ერთად იმუშავა. Here Comes the Sun ბოლოს წინა სიმღერაა ბითლზის უკანასკნელ ალბომში, Abbey Road.