ამერიკის შეერთებული შტატების თავდაცვის დეპარტამენტი 2016 წლის აპრილში საპილოტე პროგრამაში "დაჰაკე პენტაგონი" კიბერ უსაფრთხოების სპეციალისტებს ჩართავს.

აშშ თავდაცვის მდივნის, პიტერ კუკის განცხადებით, მოწვეულ სპეციალისტებს თავდაცვის დეპარტამენტის საჯარო ვებ-საიტების დაჰაკვა დაევალებათ. პროგრამის მიზანი პენტაგონის ვებ-პორტალებზე უსაფრთხოების ბაგების აღმოჩენა იქნება.

კერზო კომპანიები დიდი ხანია ყველა ადმიანს, რომელიც მათ სისტემებში ხარვეზს აღმოაჩენს და მათ შეატყობინებს, ფულად ჯილდოებს სთავაზობს. ასეთი სახის პროგრამას პირველად ატარებს სახელმწიფო სტრუქტურა.

პროგრამაში მონაწილეობის მიღების მსურველებმა განაცხადი პენტაგონში უნდა შეიტანონ და შემოწმება გაიარონ. დეტალურ ინფორმაციას პროგრამაში ჩართვის მსურველთათვის აშშ თავდაცვის დეპარტამენტი უახლოეს მომავალში გამოაქვეყნებს.