23 სექტემბერს, აშშ-ის დეპარტამენტმა რესპუბლიკური პარტიის კანდიდატის, დონალდ ტრამპის მკვლელობის მცდელობის მიზნით დაკავებული მამაკაცის წერილი გაავრცელა, სადაც მამაკაცის სამომავლო გეგმების შესახებ ეწერა.

15 სექტემბერს ფლორიდაში, ყოფილი პრეზიდენტის, დონალდ ტრამპის მოკვლა 58 წლის მამაკაცმა, რაიან უესლი რუთმა სცადა.

რუთმა რამდენიმე თვით ადრე აშშ-ს ერთ-ერთ მოქალაქეს სახლთან ყუთი დაუტოვა, რომელშიც სხვა ნივთებთან ერთად, მისი სამომავლო გეგმების შესახებ წერილიც იდო.

“ეს დონალდ ტრამპის მკვლელობის მცდელობა იყო, მაგრამ იმედები გაგიცრუეთ. მე ყველა ღონე ვიხმარე, ყველაფერი ვცადე ამისთვის. საქმის დასრულება ახლა თქვენზეა, ვინც ბოლომდე მიიყვანს ამ საქმეს, 150,000 დოლარს გადავცემ” — წერს რუთი წერილში .

ასევე, წერილის მიხედვით, ტრამპმა “ბავშვურად დაასრულა ირანთან ურთიერთობები და ახლა ახლო აღმოსავლეთში სიტუაცია გაუარესდა”.

მოწმის თქმით, ყუთში არამარტო წერილი, არამედ ასაფეთქებელი ნივთიერება, მეტალის მილი, სხვადასხვა სამშენებლო მასალა, ხელსაწყოები, რამდენიმე სხვა წერილი და 4 ტელეფონი იდო.

მოქალაქის თქმით, როდესაც ტრამპის მეორედ მკვლელობის მცდელობის შემდეგ გაიგო, ყუთი მალევე პოლიციას გადასცა. მანამდე მას ყუთი არ გაუხსნია.