სამხრეთ აფრიკის ეროვნული მეტეოროლოგიური სამსახურის ცნობით, ქვეყანა ბოლო ათწლეულების უძლიერეს დიდთოვლობას ებრძვის, რომელმაც არაერთ რეგიონს შეუქმნა პრობლემები — ზოგ მონაკვეთში თოვლის საფარის სიმაღლემ 2 მეტრსაც მიაღწია.

მოულოდნელი სტიქია ბევრ ადამიანს მოულოდნელად დაატყდა თავს, შეაფერხა გადაადგილება, ტვირთების გადაზიდვა და არაერთი სხვა ინფრასტრუქტურული ხარვეზი გამოიწვია. არაერთი დიდი საავტომობილო მაგისტრალი საცობის გამო პარალიზებულია.

სამხრეთ აფრიკის სამაშველო სამსახურები 24 საათის განმავლობაში მუშაობენ, რათა უამინდობაში გაჭედილ ადამიანებს დახმარება აღმოუჩინონ. ადგილობრივი მედიის ცნობით, ჰიპოთერმიას უკვე 2 ადამიანის სიცოცხლე ემსხვერპლა.