NBC-ის მიერ ჩატარებული სოციოლოგიური გამოკითხვის შედეგები მიხედვით, აშშ-ს ვიცე-პრეზიდენტი კამალა ჰარისი რესპუბლიკელ მეტოქეს, დონალდ ტრამპს 5%-ით ასწრებს. გამოკითხვამ აჩვენა, რომ რესპონდენტების კეთილგანწყობა კამალა ჰარისის მიმართ მას შემდეგ, რაც ის საპრეზიდენტო კანდიდატი გახდა საგრძნობლად გაიზარდა.

NBC-ის კვლევის თანახმად, 1 000 ამომრჩევლიდან 48%-მა დადებითად შეაფასა ჰარისი, ივლისში ეს მაჩვენებელი 32% იყო. 40%-მა კი განაცხადა, რომ ტრამპის მიმართ დადებითადაა განწყობილი. ივლისში ეს მაჩვენებელი 38% იყო.

გამოკითხვა ჩატარდა 13-17 სექტემბერს და ცდომილება 3%-ს შეადგენს.

გამოკითხვამ ასევე აჩვენა, რომ ჰარისი 4%-ით უსწრებს ტრამპს. ცდომილება 2%-ია.