Bloomberg-ი მილიარდერების ინდექსს აქვეყნებს, რომლის 21 სექტემბრის მონაცემებით, ივანიშვილის მფლობელობაში არსებული რეკორდული მაჩვენებლის, 7.50 მილიარდი დოლარის ქონებას ასახელებს.

გამოცემის ინფორმაციით, ივანიშვილის ქონება წლის დასაწყისში 900 მილიონი დოლარით გამდიდრდა, რაც მისი ქონების 13.7%-ით ზრდას ნიშნავს.

ივანიშვილი მსოფლიოს 500 უმდიდრეს ადამიანთა სიაში, 385-ე ადგილს იკავებს.

Bloomberg-ი ივანიშვილის ქონებაში სექტემბრის თვისთვის მნიშვნელოვან ცვლილებებს აქვეყნებს. მათი განმარტებით, ივანიშვილის ქონება სექტემბრის თვის დასაწყისში 7.45 მილიარდ დოლარს შეადგენდა, 10 სექტემბერს — 7.2 მილიარდ დოლარამდე შემცირდა. 20 სექტემბერს — 7.4 მილიარდ დოლარამდე გაიზარდა. 21 სექტემბრისთვის ერთბაშად 100 მილიონით მოიმატა. მისი ქონება ამჟამად 7.50 მილიარდი დოლარია.