21 სექტემბერს, ევოლუშენ ჯორჯიას შენობასთან მიმდინარე საპროტესტო აქციაზე კომპანიის კერძო დაცვა პროტესტის მონაწილეებს ფიზიკურად გაუსწორდა.

ევოლუშენ ჯორჯიას თანამშრომლები და მათი თანამოაზრეები მძიმე სამუშაო პირობებსა და დაბალ ხელფასებს მთელი დღის განმავლობაში აპროტესტებდნენ. დღის პირველ მონაკვეთში, აქციის მონაწილეებმა კომპანიის შენობას კვერცხები დაუშინეს და საპროტესტო ფლაერები გააკრეს.

აქციის პარალელურად ევოლუშენ ჯორჯიასთან მობილიზებული იყო სასწრაფო დახმარების ეკიპაჟი.

შეგახსენებთ, რომ კომპანიის თანამშრომლები 12 ივლისიდან არიან გაფიცულები, პროტესტი ამ დრომდე მიმდინარეობს.

თანამშრომლები მათი შრომის შესაბამის ანაზღაურებას და ღირსეულ სამუშაო პირობებს ითხოვენ; გაფიცულმა თანამშრომლებმა, პროტესტის რადიკალურ ფორმას, შიმშილს და პირის ამოკერვასაც მიმართეს, თუმცა კომპანია მაინც აგრძელებს მათი მოთხოვნების უგულებელყოფას.

გაიგეთ მეტი ამ თემაზე: