მოქალაქე ლექსო სამხარაძე რომელმაც რუსული კანონის მხარდაჭერის გამო დეპუტატების მისამართით პროტესტი გამოხატა, დღეს სასამართლომ 1000 ლარით დააჯარიმა.

ინციდენტი 28 მაისს მოხდა. ლექსო სამხარაძემ დეპუტატებს მონა უწოდა და სკანდირებდა: "არა რუსულ რეჟიმს", "გაიქეცით, გაიქეცით, ვირთხებო".

დეპუტატები ამ დროს პარლამენტის შენობას ტოვებდნენ.

დღეს, 9 სექტემბერს სასამართლომ მიიჩნია, რომ ლექსო სამხარაძემ დაარღვია ადმინისტრაციულ სამართალდარღვევათა კოდექსის 166-ე მუხლის პირველი ნაწილი – საზოგადოებრივ ადგილებში ლანძღვა-გინება, მოქალაქეებზე შეურაცხმყოფელი გადაკიდება და სხვა ამგვარი მოქმედება, რომელიც არღვევს საზოგადოებრივ წესრიგსა და მოქალაქეთა სიმშვიდეს – და 1000-ლარიანი ჯარიმა დააკისრა.