ბათუმში მაღაზიის გამყიდველი ქალი ყელის არეში დაჭრეს. ამის შესახებ ინფორმაცია On.ge-ს ერთ–ერთმა თვითმხილველმა მიაწოდა.

მისი განცხადებით, სავარაუდო დამნაშავე კაცი მაღაზიაში ქალს თავს დაესხა და ყელის არეში ჭრილობა მიაყენა. მისივე ინფორმაციით, სავარაუდო დამნაშავე შემთხვევის ადგილიდან გაქცევას ცდილობდა, რა დროს ჩიხში აღმოჩნდა და ვენების გადაჭრა სცადა.

"ეს კაცი ამბობდა [სავარაუდო დამნაშავე] წყალზე შევედი [მაღაზიაში] და დანა დამისვა ამ ქალმაო [დაჭრილმა] და მეც თავდაცვის მიზნითო. მაგრამ ჩაარტყა დანა თავდაცვის მიზნით სუსტ ქალს, დაბალს, რა უნდა ექნა მაგას?! მგონი, ყაჩაღობის თემაა", – უთხრა თვითმხილველმა On.ge-ს.

ბათუმის სასწრაფოს პრესსამსახურში ამბობენ, რომ პაციენტი საშუალო სიმძიმის ჭრილობით გადაყვანილია საავადმყოფოში.