ქალთა მარშის მონაწილე ქალებმა მარჯანიშვილის მოედანზე სიტყვით გამოსვლა დაიწყეს. ამ მოძრაობის წევრმა, საფარის ხელმძღვანელმა, ბაია პატარაიამ განაცხადა, რომ ქალების სიჩუმე და დაუმორჩილებლობა უნდა დასრულდეს. მანვე გაიხსენა ბოლო დროს გახშირებული ფემიციდისა და ძალადობის შემთხვევებზე.

"გაუპატიურების მუქარა არ არის გამოხატვის თავისუფლება, გაუპატიურების მუქარა წამების მუქარაა", - თქვა ბაია პატარაიამ.

აქციაზე სიტყვით გამოდიან აქციის მონაწილე სხვა ქალებიც. ისინი საუბრობდნენ ქალთა მიმართ არსებულ ძალადობის შემთხვევებზე, შშმ პირ ქალებზე, სოციალურად დაუცველ ქალებზე და ბავშვებზე, მათ პრობლემებზე.

თბილისში, აღმაშენებლის გამზირზე, რკინიგზელთა კულტურის სახლის წინ უთანასწორობის, ძალადობისა და ჩაგვრის წინააღმდეგ ქალთა მარში დაახლოებით ერთი საათის წინ დაიწყო. აქციის მონაწილეებმა ამ ადგილიდან მსვლელობიდან მარჯანიშვილის მოედნისკენ გადაინაცვლეს და დაიწყეს სიტყვით გამოსვლები.

აქცია ამ დრომდე გრძელდება. ადევნეთ პირდაპირ ეთერს On.ge-ზე.