მოკლედ: 2023 წლის 4 სექტემბრიდან დღემდე, გამონაბოლქვის დადგენილ ნორმებთან შეუსაბამობისთვის, 3243 სამართალდამრღვევი დააჯარიმეს.

  • ინფორმაციას გარემოსდაცვითი ზედამხედველობის დეპარტამენტი ავრცელებს.

დეტალები: სპეციალისტები გამონაბოლქვს 4 ქალაქში — თბილისში, რუსთავში, ქუთაისსა და ბათუმში აკონტროლებენ.

  • ყველაზე მეტი, 1502 ჯარიმა თბილისში გამოწერეს.
  • 707 დარღვევა დაფიქსირდა ქუთაისში,
  • 534 ბათუმში,
  • 470 კი — რუსთავში.

დაჯარიმებულებიდან 2785 ფიზიკური პირია, 468 კი — იურიდიული.

ბოლო ხაზი: გამონაბოლქვის კანონმდებლობით დადგენილ ნორმასთან შეუსაბამობისთვის, ფიზიკური პირი, პირველ ჯერზე, 100 ლარით ჯარიმდება, მეორე ჯერზე — 300 ლარით, ხოლო მესამე ჯერზე — 600 ლარით.

  • იურიდიული პირის შემთხვევაში კი, ჯარიმა 500, 1500 და 3000 ლარია.
  • ჯარიმის 10 დღის ვადაში გადახდის შემთხვევაში, სამართალდამრღვევს ჯარიმის ოდენობა 20%-ით შეუმცირდება.