ჯუდი ბლუმი პირველი მწერალი გახდა, რომელმაც ლიტერატურაში განსაკუთრებული გამბედაობისთვის ელეონორა რუზველტის სახელობის ჯილდო მიიღო. ბლუმი ფართო საზოგადოებამ ცნობილი წიგნით აქ ხარ ღმერთო? ეს მე ვარ, მარგარეტი გაიცნო.

მწერლის წიგნები ხშირად გაუკრიტიკებიათ ისეთ საკითხებზე შეულამაზებლად წერის გამო, როგორიცაა, მაგალითად, სექსუალური მომწიფების ასაკი, სექსუალური მოთხოვნილების გაჩენა თინეიჯერებში და სხვ.

ბლუმს ელეონორ რუზველტისა და ფიშერის ცენტრები დააჯილდოებენ. მათ ასევე დააჯილდოვეს ავტორები, რომლებიც ადამიანების უფლებების საკითხებზე წერენ. გამარჯვებულები თავიანთ ჯილდოებს 17 თებერვალს ფიშერის ცენტრში გამართულ ცერემონიაზე მიიღებენ. ბლუმი ცერემონიას ონლაინ დაესწრება.

ჯუდი ბლუმის აქ ხარ, ღმერთო? ეს მე ვარ მარგარეტი 1970 წელს გამოქვეყნდა და უკვე 50 წელია, რაც საოცარ პოპულარობას ინარჩუნებს მკითხველში. წინა წელს წიგნის მიხედვით გადაღებული ფილმიც გამოვიდა, რომელშიც რეიჩელ მაკადამსი და კეტი ბეიტსი თამაშობენ.